華香雞 (已結業)

喺觀塘區返工，呢排天氣咁熱放咗工都唔想出咁遠，朋友話好想食雞同中式菜，咁我哋就試下依間出名食雞嘅老字號餐廳啦 佢呢度嘅雞都幾多選擇，同朋友兩個人又食唔到咁多，好彩佢有得揀雙拼，我哋兩個人就嗌左招牌華香雞拼烏龍茶香雞 入口真係幾鮮嫩，雞肉好紮實，完全同出面食嘅冰鮮雞係兩件事，雞味濃郁，仲配有三款醬，分別係砂礓、蔥油、辣椒醬 我就鍾意食烏龍茶雞多啲，因為佢比較清淡仲有啲茶香味牛筋牛腩煲，份量好大，牛筋同牛腩都好入味，我哋仲嗌咗碗白飯送添之後想食啲香口啲嘅嘢，就嗌咗椒鹽九肚魚，上面好似避風塘式嘅椒鹽九肚魚咁，有好多調味同埋炸蒜蓉，聞落已經好吸引，九肚魚本身炸極都唔會過火，配埋外邊嘅調味，真係好香口