% Arabica (鴨巴甸街) (已結業)

藉著假期，在中環遛達，不知不覺行到去PMQ。本來想在PMQ飮嘢，休息下，可惜很多店舖都關門。見對面的% Arabica 有開，即過馬路。去到門口，剛巧有一客人走，我們立即有位。🙏🏻這間店分有室內及室外，門口有特大的玻璃窗。全店以白色配襯淺木色傢俬，設計簡約時尚，十分之舒服。它只售賣咖啡，我們點了一杯熱Latte 及一杯Spanish Coffee ，兩個都是細size (即係Tall)，其實已不太細。Latte 一攞到手已聞到陣陣咖啡香，拉花與平時的樹葉紋不同，有特色。先試一啖，很濃的咖啡味，與平時在西貢飲的不同。奶打得香滑，提神好味。👍🏻👍🏻👍🏻我從未試過Spanish Coffee ，所以慫恿老公試，想睇吓味道有什麼唔同。它的奶都同Latte 差唔多厚，亦同樣打得幼滑。雖然咖啡味香濃，但糖較多，略甜，不是我同老公的口味。最後一提，它的洗手間又大又乾淨，純白色圓形小瓷磚，由地下鋪到上天花板，很有特色，一定要「幫襯」。