天龍咖喱

營業中

休息中

呢間係住元朗既朋友推介，入到去聽到唔少食客都話係出面聞到好香，所以入黎食! 鐘意食辣就一定要試佢咖哩系列，唔食得辣都可以簡佢”我朋友唔食得辣架” 系列。咖哩牛腩牛筋飯牛腩牛筋份量好多，又大份。咖哩食落有種蔬菜既甜味，辣度我覺得岩岩好，唔會辣到食唔到，但絕對係濃郁既咖哩味。咖哩汁送飯一流! 惹爆蔥油豬扒茄子煎太陽蛋飯我唔食得辣，就叫左呢個都好好食。蔥油一定要撈埋落飯到食，好惹味。茄子食落好似炸過，好香口。仲有太陽蛋，呢個飯真係好足料。小食叫左蔬菜蝦卷都幾唔錯。飲品仲有養生系既生薑柑桔蜜，食完熱氣野，飲番杯就岩曬。