榴蓮王 (已結業)

行過油麻地聞到好香榴槤味就周圍搵，搵到一間叫榴槤王嘅鋪頭有賣榴槤果肉同製品。見到佢地個招牌貓山王雪米餅就叫左一個試試。佢哋即叫即製，過程中見到佢哋用新鮮榴槤果肉嚟整個餡。大概等左10分鐘左右就整好了。未咬開之前有啲似白色嘅豬柳蛋漢堡。熱哄哄嘅雪米餅咬開之後榴槤果肉變左流心，流哂出來，非常之香嘅榴槤味湧哂出嚟，完全足料無呃砰！個雪米餅煙煙韌韌有啲似糯米糍，口感不錯。不過店內無座位，所以要企係度食，或者邊行邊食。