泰聚

營業中

休息中

最近試咗一間泰式小店，價錢親民。酸辣鳳爪係開胃菜的必點之選，鳳爪浸泡喺酸辣醬汁入面，入口酸辣開胃。鳳爪煮到啱啱好。牛雜鍋（中）$238，呢個牛雜鍋份量十足，我哋兩個人share食好夠。有牛肚、牛腩、牛筋、牛腸、牛丸、白蘿蔔等，啲湯底濃郁香辣。牛雜嘅口感剛剛好，腍而不爛，仲帶少少嚼勁。辣椒膏炒蜆用泰式辣椒膏爆炒，辣味濃郁。蜆無沙幾好。小食拼盤有春卷、蝦餅、魚餅、蟹棗、雞翼。呢個拼盤一次過可以試到多款泰式小食，啱晒一班朋友share！ 春卷外皮炸得香脆；蝦餅口感彈牙。魚餅有濃濃嘅香茅味。蟹棗外層酥脆，質感非常豐富。雞翼香脆。最後仲叫咗炒椰菜苗，夠大碟。