豆乳狂人 (已搬遷) 新店位置

呢日食完飯經過豆乳狂人，見到都好多人排隊，又想買雨糖水俾屋企人食，於是我又黎熱鬧埋一份👻我叫左個黑豆漿，一個黑豆漿仙草，一個椒鹽豆卜，一個芝麻糊豆花桃膠芋圓，一個楊枝甘露同埋一個黑糖桃膠鮮奶～黑豆漿同黑豆漿仙草可以揀加唔加糖，我就冇加，飲到勁香豆乳味！！！ 仙草仲好有咬口！一枝份量都好多！應該有400-500ml !椒鹽豆卜夠哂惹味！正！椒鹽味好香，豆卜夠哂香脆！芝麻糊豆花桃膠芋圓夠哂煙煙unun,芝麻味好濃，配埋豆花食到好滑，又食到芋圓既口感，一次過滿足哂咁多個願望！楊枝甘露勁多料！味道夠哂正！ 芒果啖啖肉，夠哂甜！黑糖桃膠鮮奶感覺好養生！鮮奶味都好香濃！重點係店員非常有禮貌，糖水小食各樣野都好正！應該一想食甜品就會諗起佢！