王朝潮順館 (得寶商場)

營業中

休息中

平時九龍灣搵食都係淘大同德福多，但都係連所快餐無咩新意，行左去得寶商場個邊時見到有間新開嘅潮州滷水菜館-潮順館。天氣又凍見到有午市套餐就入去試下啦！坐低後職員會比杯熱茶，唔係平時普通淡茶葉茶，而係菊花普洱茶。揀左兩個餐，見到滷水大碗飯就試一個，點左 王朝招牌三寶飯 （鵝肉、鵝肝、鵝腸）仲有個就係 金銀蛋魚片泡飯 。三寶飯嘅鵝肉都幾嫩唔鞋口肉多唔係骨杉杉、鵝肝食落好滑溜，可能平時鵝肝印象係煎香所以今次食落咁滑有啲特別，鵝腸唔會好靭難咬，有配埋個酸辣汁比我地沾黎食。另外 金銀蛋魚片泡飯 入面有金皮蛋鹹蛋魚片芫荽、蔥，泡飯真係好香濃好味！金皮蛋咬落好彈牙，湯飲落有鹹蛋鹹香同魚肉鮮味仲有好香胡椒同芫荽蔥香味，魚片好爽滑食落有微微酒香，加上魚片都好多同幾大片，喜歡芫荽蔥香味，呢個係值得一試！跟餐仲有兩杯熱飲送，奶茶都唔錯，幾好味，唔會太濃茶或太淡多奶。