吞POT 雞煲火鍋.住家菜

營業中

休息中

之前食過花膠雞煲火鍋，念念不忘，但性價比低，於是就搵吓有冇其他餐廳都有做之後搵到呢間吞POT，就試試佢。食材選擇好多。我哋都食唔晒咁多款。一上個花膠雞煲，好足料，雞湯味道香濃。我同我女朋友食完啲湯料都已經半飽。之後就混醬料，醬料選擇都多。我見佢丸類選擇多，有款叫做十全大寶丸，五款丸每款兩粒，我同我女朋友瞓啱啱好。之後仲有個餃餃陣，四款餃每款兩粒。味道唔錯。個爆芝響鈴真係好大個。食一件到好飽。好黐線。整體用餐感覺唔錯。題外話:發現午巿套餐都相當吸引。