坂奈 (已結業)

比目魚邊刺身 HKD38/2切馬刀貝刺身 HKD38/3切話說我都幾鍾意食豉椒炒蟶子，不過印象中，蟶子(馬刀貝)刺身都係第一次食。薄薄一片，口感出奇地爽滑，而且味道新鮮，完全無腥味同異味，一試就愛上咗～螢光魷魚沖漬 HKD58 螢光魷魚嘅外表黑黑沉沉，望落一啲都唔可口，細細隻嘅size同尾指差唔多大細，但食落原來幾驚喜。首先，入口已經感受到佢好滑溜嘅外皮，少少黏口，一咬，鹹鹹鮮鮮嘅汁液瞬間嚮口腔入面噴發，感覺好特別。初時係幾有新鮮感，但食多幾隻之後，個口就開始覺得愈來愈鹹，所以我會建議用嚟送酒食，兩者應該會幾夾～鹽燒BB喜之次 HKD248其實佢初時個樣好正常架，但燒完之後就變到面目猙獰咁嘅款，但都無損佢嘅美味。外皮燒到乾身香脆，而內層魚肉就好嫩滑多汁，甚至仲滑過蒸魚，滑到連筷子都差啲夾唔起。雖然話係鹽味，但食落一啲都唔覺鹹，食嘅係條魚本身嘅鮮味，好食到忍唔住要配返碗飯食，唔係誇張，但可能真係我暫時食過最滑嘅燒魚。