我是酸奶君 (已結業)

珍珠奶茶飲得多，今次試下飲酸奶！同是台灣過江龍， 我是酸奶君 喺香港好受歡迎，仲開咗多間分店！今日逛觀塘廣場，就順道去朝聖一下！酸奶飲品喺香港較少能夠飲到！觀塘店鋪面不大，但人頭湧湧，好多顧客幫襯。我哋就跟其它顧客點了 招牌吃米酸奶 和 人氣推介 益生草莓君！吃米特濃酸奶招牌飲品。吃米即紫糯米，香口軟熟煙韌， 比珍珠奶茶的珍珠有咬口。酸奶稠口厚身，奶味濃郁，飲落有滿足感！益生草莓君人氣推介。益生即益力多，有豐富益生菌，加上新鮮草莓果粒和酸奶，顏色鮮豔吸引，酸甜醒胃解渴，幫助消化，有助腸度吸收！