潮藝館

同朋友慶祝生日喺尖沙咀book枱嚟食潮州菜。餐廳裝修都幾特別，一入到去見到有特色吧枱，估唔到潮州菜館都可以做得咁fusion，另外用餐環境寬敞舒適都幾啱成家人一齊食飯。▪️五小福▪️有齊晒咁多款特色前菜，包括好特別嘅串茄核桃沙律、潮式粿肉、酒香凍鮑魚、椒麻帶子、話梅涼瓜！椒麻帶子超特別，椒麻醬微微辣同新鮮帶子真係好夾，而串茄核桃沙律同話梅涼瓜都超醒神，呢五款開胃菜都好好食。▪️足2両紅燒潮州翅▪️呢款真係好足料啊。食到啖啖翅，而且以微火點熱加溫送上，真係好窩心呀！味道調得啱啱好鍾意食芫荽同紅醋嘅都可以加少少調味！不過就咁食都已經食到好鮮。▪️方魚炒芥蘭▪️滿滿惹味方魚碎同新鮮芥蘭一齊炒香，方魚冇苦澀味，亦都冇腥味，唔會太鹹，而芥蘭炒得惹味爽口，味道啱啱好！▪️椒鹽白飯魚▪️炸得好爽脆金黃，送飯一流！▪️翡翠汁煎焗黃花魚扒▪️超欣賞呢一款煎焗黃花魚扒，獨特嘅翡翠菠菜汁味道清甜，煎焗黃花魚扒啖啖肉，外面非常之香脆，內裏肉質仍然keep到嫩滑！▪️滷水墨魚▪️招牌滷水墨魚滷水味道唔會太鹹，墨魚彈牙！仲有豆腐添，最啱同朋友一齊share😍
▪️層出不同▪️呢個係一款好有特色嘅炒飯，每一層都唔同，好豐富呀。表面鋪滿滿滿嘅紫