越一越南牛肉粉專門店 (已結業)

天氣開始熱，想食番D唔熱又酸既野，所以決定食越式撈檬。呢間小店第一次光顧，店面燈火明亮，比人感覺乾淨、醒神；座位寬敞唔迫夾；推介人氣食品中，我揀左香茅豬扒撈檬$56雖然等耐左少少，不過豬扒新鮮煎出黎，香芧味香氣十足，肉嫩又多汁，而且大大塊；整體唔錯。碳水朋友點左個香葉辣肉碎煎旦飯$58當佢上枱果陣真係令我地兩個好驚訝，點解可以咁醜?! 唔知係咪最近香港無豬賣，係豬肉供應不足既情況下，食店唯有減少豬肉既消耗呢?🤔 肉碎少但碟大，所以只好薄薄一層舖係碟度🙄。肉碎偏酸，而且幾鹹下。煎蛋亦無鑊氣，同麥記既煎蛋有得輝。好唔抵既一個飯😫。