閨•家 (美基樓) (已結業)

星期五沒有happy Friday，只有不斷的ot，屯門牛返到嚟已經八點幾九點啦！又攰又餓一於買外賣返去食啦😅其他屯門牛分享新開 閨家雞翼豬扒飯好得，一於就嚟試下啦☺️點了香茅豬扒雞翼飯，店員介紹最多客人點嘅，睇報道香茅豬扒日係佢哋落足心機炮製，果然香茅味好重，入口鬆化，用嚟送飯真係一個唔錯嘅選擇！雞翼都嫩滑多汁，配上蔥油飯果然唔錯👍👍對於我哋呢啲冇乜湯水嘅，仲送埋老火湯，完全冇加味精㗎，仲好足料，飲完舒服曬！夏天熱辣辣係要潤下嘅🤭🤭我覺得ok喎，餐飲加5蚊，凍飲加7蚊其實仲有好多菜色選擇，咖哩、豬軟骨都係我至愛，下次再嚟試下其他仲有佢哋嘅手打手工麵都係好出色🤩