閨蜜x沐牧農場 (已結業)

琴日夜晚同老婆去西九四小龍附近飲，所以早啲去附近嘅商場行吓，見到呢一間店，一睇個門牌，估計都係啲呃like 嘅珍珠奶茶店，個名又改得好鬼死乸，不過見口淡淡，就入去叫咗杯招牌珍珠奶茶，珍珠奶茶就冇乜特別，不過飲到有蜂蜜味。反而見到有啲靚仔喺度食炸雞翼，自己本身係雞翼嘅super fans, 睇落好似幾好味，所以就即刻order左半份黎試吓，點知發現係近期最大嘅驚喜。香芧雞翼加咗炸蒜片，雞翼本身炸得好juicy, 好鬼死惹味。問老闆娘點解啲雞翼咁正，佢話自己親自每朝喺街市揀啲雞翼，雞翼逐隻揀，每隻大細要差不多，唔靚嘅唔要，咁一定冇得輸啦！本來諗住再order 一份, 但係之後要去飲，唯有下次再嚟幫襯過。