Layback Cafe & Bar (已結業)

成日覺得尖沙咀好多嘢食，但食邊間呢就真係好難選擇，今次就試吓呢一間黃店cafe ! 店員都好有禮貌，環境舒適，食物方面就差咁啲啦🥺 叫咗兩杯嘢飲，薄荷朱古力同埋青蘋果綠茶，青蘋果綠茶有藥水味而且冇綠茶味。薄荷朱古力飲落去似朱古力溝水，唔係用牛奶沖嘅。 2. 煙三文魚蟹子意粉🍝意粉太冧身，食落似烏冬，味道尚可，重忌廉，但實在太多汁。 差唔多完全蓋過碟意粉。但蟹子呢就好重手放好多俾你😬3.炸魚薯條 如果10分滿分，我諗我淨係比到薯條有分。炸魚未到奇怪，食過咁多間餐廳都未食過係用辣椒同香草醃製嘅魚去炸，味道十分奇怪。如果係冇醃過啲魚嘅話呢其實係正常😰整體因為今次嘅經驗，所以都唔會比機會去嘗試其他食物。