影片
更多
2019-04-01
100 瀏覽
最近朋友推介我去尖沙咀呢間萬豚屋試下，開頭聽個名以為係食吉列豬排，點知原來係食烏冬！呢間萬豚屋好受歡迎，黎到排哂長龍，平日都要等位先可以入座。食物既選擇基本上就係烏冬，但你可以揀手打烏冬或者稻庭烏冬。另外就可以揀唔同既湯底同配料。我同朋友第一次食，就揀左一個香菇濃湯豚肉手打烏冬，另外一個Daily Catch 海鮮稻庭烏冬配魚介湯，咁就可以試哂兩款唔同既烏冬。我地就覺得其實兩款烏冬都好食既，手打烏冬既麵身比較粗，所以食落會煙韌啲，不過由於佢係石鍋烏冬，所以浸住喺湯底度一路恆溫煮住，所以食到尾個口感就會比較淋。而稻庭烏冬麵食比較幼，口感偏滑，另外佢係分開上既，所以可以好似食沾麵咁，食到尾都保持煙韌。湯底方面，我自己就比較鍾意香菇濃湯，因為真係有好多菇！加上有少少黑松露既味道，勁香！配料方面，推介Daily Catch 海鮮！！有三隻花甲、兩隻蚊、一件帆立貝同埋蟹柳，勁足料！！而且啲花甲非常鮮甜，正！食食下見到差唔多每檯都有叫啲小食，所以我地都加左一份燒鰻魚，雖然價錢唔平，但鰻魚好厚身，燒完有爽脆既感覺，只係略嫌有少少咸，如果配啤酒應該唔錯！
呢間萬豚屋好受歡迎，黎到排哂長龍，平日都要等位先可以入座。
食物既選擇基本上就係烏冬，但你可以揀手打烏冬或者稻庭烏冬。另外就可以揀唔同既湯底同配料。
我同朋友第一次食，就揀左一個香菇濃湯豚肉手打烏冬，另外一個Daily Catch 海鮮稻庭烏冬配魚介湯，咁就可以試哂兩款唔同既烏冬。
我地就覺得其實兩款烏冬都好食既，手打烏冬既麵身比較粗，所以食落會煙韌啲，不過由於佢係石鍋烏冬，所以浸住喺湯底度一路恆溫煮住，所以食到尾個口感就會比較淋。而稻庭烏冬麵食比較幼，口感偏滑，另外佢係分開上既，所以可以好似食沾麵咁，食到尾都保持煙韌。
湯底方面，我自己就比較鍾意香菇濃湯，因為真係有好多菇！加上有少少黑松露既味道，勁香！
配料方面，推介Daily Catch 海鮮！！有三隻花甲、兩隻蚊、一件帆立貝同埋蟹柳，勁足料！！而且啲花甲非常鮮甜，正！
食食下見到差唔多每檯都有叫啲小食，所以我地都加左一份燒鰻魚，雖然價錢唔平，但鰻魚好厚身，燒完有爽脆既感覺，只係略嫌有少少咸，如果配啤酒應該唔錯！
張貼
