The Point - Pizza & Pasta (青衣城) (已結業)

好耐無去過青衣城，原本間泰國菜執咗，轉咗THE POINT新開張，周圍都好新淨企理，仲有優惠買三送一，好似幾抵食〜黑松露芝士蛋黃醬薯條，賣相100分❤︎薯條粗幼均勻，炸得又香又脆。黑松露薯條其他餐廳都食過，但呢度個味更加濃郁，芝士再落多少少仲可以拉絲，非常邪惡！蜜糖燒烤醬雞翼，lollipops形狀好方便食呢〜夠脆又唔會乾，仲好入味！比較喜歡食甜，蜜糖味如果再濃多少少就更好！今晚仲幫朋友慶祝生日，可以寫碟呢個朱古力Brownie好正，朱古力味濃郁，仲有啲微微烤香的香蕉圍住，加球甜而不漏雲呢拿雪糕，朋友超喜歡