正宗雲貴川 (中匯街)

營業中

休息中

收工去朋友家前買個外賣上去食先，上次過黎都覺得佢樓下好多野食，今日有機會試下，環觀一周，見到我最鍾意既酸辣粉，都唔洗諗喇😂😂店面睇落比較舊，不過對我黎講好食先係重點！我叫左腩肉麻辣（中辣）紅薯粉走青走花生，大約幾分鐘左右就有，都幾快趣。紅噹噹既賣相、聞落香噴噴，都感覺幾有辣勁，不過中辣辣度對我黎講唔太辣。而腩肉大大塊厚身的，食落肉鬆軟，皮位有咬口。芽菜爽脆，索左d湯好正。紅薯粉份量幾多，扁身有d似河粉，可能我搵路搵太耐，浸耐左所以淋左少少，不過佢個麻辣香味都令我飽左都未停到口🙊同埋價錢都幾抵，覺得整體都唔錯。