祥仔辣辣 (雅蘭中心) (已結業)

祥仔都有烤魚食，天氣轉涼就想食熱辣辣食物，祥仔一直好出名酸菜魚，今次就試咗佢地嘅辣辣烤魚。一共有3款魚和5款湯底揀。魚款（鉗魚、鱸魚、桂花魚）湯底（麻辣、酸菜、鮮青椒、蕃茄、泡椒）我揀咗鉗魚配麻辣湯底$328（小辣），麻辣湯底好夠辣和足味，香辣油勁香，但麻味就唔太夠，如果唔太食得麻一定會好鐘意。而條鉗魚都好大條同新鮮，肉質柔嫩，唔會多骨，加幾款小菜都食到好飽。另外非常推薦大家點佢地嘅前菜雲南白切肉卷$48，中間夾住切片青瓜令味道升華，好清新👍🏻。旺角分店舖，座位寬闊坐得舒服。