CoCo壹番屋 (新港中心)

營業中

休息中

午餐時突然想食咖哩，與友人二人到新港中心CoCo壹番屋。鑑於係中午一點幾，好多白領一族食飯，要排隊等位。好彩等了約5分鐘即有位，望落餐廳環境甚為寬敞舒適，雖然以開放式廚房設計，但一D油煙都冇!餐牌上有多款咖哩飯選擇，當中亦有蛋包飯咖哩，不過小弟最後選了小辣的傳統吉列豬扒咖哩飯。另加1X~2X元，就可以任選2、3或4款小食，分別有沙律、餐湯、雪糕或飲品。而我叫了沙律及飲品。其中沙律選了芝麻醬作伴，酸甜的芝麻醬令沙律更惹味，值得推介! 至於吉列豬扒咖哩飯，豬扒炸得香脆內軟，食落啖啖脆口，旁邊的小辣咖哩一D都唔辣，不過帶點甜身，最適合只食得好小好小辣的人。埋單100蚊有找，都尚算抵食，不過服務質素要多作改善，當舉手埋單時，有部份員工好似視而不見，等了好耐才有得埋單離開。