美味廚 (已結業)

七、八年前第一次去食佢嘅湯羹套餐，估唔到咁足料。呢幾年久唔久都會去食晏，因為佢嘅上海排骨都好好味。是晚我又叫咗湯羹套餐：蟹肉瑤柱羹 + 排骨拉麵。另單點酒味醉雞。湯羹仍然好足料，唔會係‘豆粉開水’，啖啖蟹肉。而排骨拉麵就咁多年都保持到個水準，外脆內軟，最怕食到成咀油又咬唔開。至於個酒味醉雞，好入味。怕酒味濃嘅，真係要唸唸。佢門面裝修唔起眼，但反而多咗分傳統上海菜館嘅味道。