京滬佳餚 (The LOHAS康城) (已結業)

同屋企人到將軍澳康城睇戲順道訂位食中菜，之前食過銅鑼灣分店的香烤鴨覺得不錯，所以今次再嚟食下及試其他菜式。餐牌上還有不同套餐選擇，款款都很吸引。京滬酥香烤鴨（半例）鴨皮烤至金黃色的，香脆可口，入口油香四溢，肉嫩毫不油膩，麵皮煙煙靱靭，包著鴨肉及配菜清爽美味。真厲害霸王雞丁這碟菜式望上去很多紅辣椒，但食落微辣而惹味，雞肉炸至脆卜卜，還加入花生口感豐富。冰鎮柚子鮑魚一碟有四隻份量亦不小，鮑魚清甜爽口，厚肉食落啖啖肉，配合柚子一齊食味道好清新。招牌酸菜海斑片上枱時熱辣辣香噴噴，酸辣度適中，斑片肉質鮮嫩幼滑，魚皮微脆，配菜還有酸菜、芽菜、木耳和薯粉，配菜吸入濃湯十分美味，食唔停口。