影片
更多
2009-03-29
18 瀏覽
29-3-2009原本想去的中環沙律店無開門, 兜兜轉轉0黎到孖沙街, 而點解揀呢間, 除0左之前睇了食友 FoodieWil 的食評後幾有興趣, 主要因為已食過對面 Katong (詳見 http://www.openrice.com/restaurant/commentdetail.htm?commentid=150231), 又唔想用手食 naan 先飲杯凍薏米水 ($14), 清甜解渴, 0係皮膚咁差天氣又咁潮濕0既情況下飲一杯, 正 朋友飲凍檸蜜 ($11), 唔知味道如何?主食叫了「傳統喇沙」($39), 麵底「兩溝」... 湯底唔少橙色「浮油」, 稍薄, 唔算辣, 但有點刺喉, 不過始終唔夠香, 味道亦比對面加東的單調, 麻麻0地; 麵底係米粉及油麵兩溝, 叫做多點咬口; 配角就比想像中好 -- 兩隻蝦開成 4 邊, 賣相好「雪藏」feel, 但食落係爽口又帶點鮮甜味的, 意料之外; 其他較普通的配料就有茄子, 豆卜, 雞絲及芽菜, 感覺可有可無.朋友的「乾撈麵」($36), 竟然係叉燒雞絲豉油王撈粗 試了一片叉燒, 質地軟熟, 夠蜜味又帶點焦香, 好過唔少燒味店呢
原本想去的中環沙律店無開門, 兜兜轉轉0黎到孖沙街, 而點解揀呢間, 除0左之前睇了食友 FoodieWil 的食評後幾有興趣, 主要因為已食過對面 Katong (詳見 http://www.openrice.com/restaurant/commentdetail.htm?commentid=150231), 又唔想用手食 naan
先飲杯凍薏米水 ($14), 清甜解渴, 0係皮膚咁差天氣又咁潮濕0既情況下飲一杯, 正
朋友飲凍檸蜜 ($11), 唔知味道如何?
主食叫了「傳統喇沙」($39), 麵底「兩溝」... 湯底唔少橙色「浮油」, 稍薄, 唔算辣, 但有點刺喉, 不過始終唔夠香, 味道亦比對面加東的單調, 麻麻0地; 麵底係米粉及油麵兩溝, 叫做多點咬口; 配角就比想像中好 -- 兩隻蝦開成 4 邊, 賣相好「雪藏」feel, 但食落係爽口又帶點鮮甜味的, 意料之外; 其他較普通的配料就有茄子, 豆卜, 雞絲及芽菜, 感覺可有可無.
朋友的「乾撈麵」($36), 竟然係叉燒雞絲豉油王撈粗 試了一片叉燒, 質地軟熟, 夠蜜味又帶點焦香, 好過唔少燒味店呢
招呼 ok, 環境就有點焗, 不過後來店員們都開返大少少個冷氣, 算啦.
埋單 (無加一) 每人約 $50, 食物算 ok, 價錢都 ok 的, 可以一試.
張貼
