喇沙大少 (已結業)

兩個C9仔得閒行下Ikea，行到攰攰地，去左喇沙大少食晚飯，好彩平日不用等就可以入~👍🏻兩個人不太肚餓，點左個無骨海南雞喇沙，馬來椰汁咖哩薯仔雜菜加個油鬆餅，馬來炒貴妃苖，飲品就係檸檬柚子茶~呢個喇沙充滿馬來風味既香味，米粉同麵都好入味，少少辣口，少少香料味，都不俗，至於個海南雞，好滑而且無骨多肉，啱哂我呢d唔鍾意Lun 骨既人，而且個醬汁釀酸酸辣辣，好開胃~~個咖哩就好重椰汁同香料味，完全不辣，而且咖哩味唔重，個薯仔同雜菜入哂味，個汁配上油鬆餅，正，油鬆餅焗得乾食，美中不足之處係唔夠熱，如果熱辣辣食就超正!貴妃苗平時用蒜蓉炒可能會有少少青草味，但呢個馬來炒貴妃苗完全冇青草味，而且好嫰，好爽囗，個汁完全可以蓋住個青草味，而且特出菜既鮮嫰，正!!呢間餐廳既食物都充滿馬來風味，正!