So Bar (已結業)

平日行開尖沙咀，我有時都會經過So bar，成日心思思都想去試，因為佢個vibe好正，亦好有情調咁。同朋友講開，原來大家不約而同都想去試吓，於是我哋就即興去咗啦！我哋一入到去先知，原來So bar係蘇媽•蘇媽嘅酒吧，難怪佢嘅食物有唔少馬來西亞風味。另外，酒吧嘅環境真係好chill好舒服，同朋友喺度坐一整個晚上都幾唔錯！我哋一見到個drink list，就覺得d飲品非常特別，即刻諗都唔諗就叫咗杯durian kiss，呢杯嘢飲飲落好重榴連味，好似食緊雪糕咁，但不失酒味👍🏾我哋仲叫咗杯Flow，佢好重煙熏味，好啱男士飲。至於食物方面，我哋就叫咗日式餃子、燒豬頸肉同埋海陸雙併。豬頸肉、牛小排同龍蝦尾佐酒真係一流，飲飲下酒唔覺唔覺好快已經食晒。我最欣賞So bar嘅地方係呢度唔會好似其他酒吧咁，有好大陣煙味，對於我哋唔食煙嘅人士嚟講真係一個好嘅飲酒地方。