抖蛋馬來西亞古早味蛋糕 (啟德) (已結業)

今日難得放假就陪下兩老周圍行下,兩老話想睇下啟德既環境就陪佢地去睇下.行下見到一間古早味既蛋糕店,但呢間唔係黎自台灣反而係馬來西亞.霸氣榴櫣,對於成家都係榴櫣控既我地,見到有榴櫣味唔洗諗一致認同要買榴櫣試下佢有幾霸氣.同其他古早味蛋糕有少少分別既係榴櫣味要盡快放入雪櫃,因為聽店員講榴櫣味特別易壞.拎到返去第一時間當然要試左先！一打開蛋糕盒已經聞超濃烈既榴櫣香味,蛋糕之間充滿著一點點既榴櫣cream,蛋糕十分厚重,切開已經感覺到蛋糕既質感超級軟熟,入口先有好濃既蛋香味後有榴櫣強烈既味道,入口好似棉花咁綿,蛋糕實在得黎又唔會帶空氣感.爆漿芝士當時即場烘焙,見住一底超巨型即古早蛋糕出爐,拎出黎既時候好香蛋味,見到放上蛋糕架既時候蛋糕富有彈性又鬆軟.切開既時間中間濃郁既芝士除即爆開.拎到返屋企既時間蛋糕仲帶餘溫,入口濕潤同樣蛋香味濃得黎蛋糕底唔會好甜,真係食得出蛋既香味.中間夾住芝士,芝士入口夠香又唔會過膩同蛋香味好夾.