影片
更多
2020-06-21
193 瀏覽
鍾意東南亞菜式嘅朋友一定有試過依間係深水埗同荃灣都有分店嘅蘇媽蘇媽啦! 蘇媽其實係馬來西亞🇲🇾話嘅「全部都有」嘅意思，我哋就一齊睇吓究竟佢有幾咁巴閉啦!.棒棒骨 HKD76 依度點菜係係點菜單上畫畫圈圈⭕，然後交俾店員就可以啦！肉骨茶任添，只要你叫菜單上任何一個肉骨茶，店員都會即刻先斟俾你，咁等上菜嘅時候都有嘢飲下。好多人以為肉骨茶係新加坡嘅菜式，其實肉骨茶係源於馬來西亞㗎！每間餐廳嘅肉骨茶味道都唔同，蘇媽蘇媽嘅肉骨茶無馬來西亞巴生嘅咁重藥材味，亦都無新加坡松發嘅咁重胡椒味，算係比較易入口，相信香港人容易適應依個口味。至於另外上嘅棒棒骨，大家可以跟住佢哋嘅指引，將黑醬油，蒜蓉、辣椒同頭抽撈埋一齊，跟住蘸嚟食，啖啖肉。另外仲有金菇、豆腐卜做配料，如果點埋油炸鬼仲正！.招牌砂煲老鼠粉 HKD78另外令👨🏽👩🏻去完馬來西亞一直念念不忘嘅就係砂煲老鼠粉，其實即係我哋講嘅銀針粉，因為當地人覺得佢似老鼠尾巴而命名。老鼠粉配上雞蛋、銀魚仔、肉碎、菜甫，如果想香啲可以等一等先撈埋一齊，底部就會有少少鍋巴。比起馬來西亞嘅味道差啲，無咁香，但係依家無得去旅行，拎嚟頂頂癮都可以嘅。.玻璃魷魚配通菜🦑🥬 HK
.
棒棒骨 HKD76
依度點菜係係點菜單上畫畫圈圈⭕，然後交俾店員就可以啦！肉骨茶任添，只要你叫菜單上任何一個肉骨茶，店員都會即刻先斟俾你，咁等上菜嘅時候都有嘢飲下。好多人以為肉骨茶係新加坡嘅菜式，其實肉骨茶係源於馬來西亞㗎！每間餐廳嘅肉骨茶味道都唔同，蘇媽蘇媽嘅肉骨茶無馬來西亞巴生嘅咁重藥材味，亦都無新加坡松發嘅咁重胡椒味，算係比較易入口，相信香港人容易適應依個口味。至於另外上嘅棒棒骨，大家可以跟住佢哋嘅指引，將黑醬油，蒜蓉、辣椒同頭抽撈埋一齊，跟住蘸嚟食，啖啖肉。另外仲有金菇、豆腐卜做配料，如果點埋油炸鬼仲正！
.
招牌砂煲老鼠粉 HKD78
另外令👨🏽👩🏻去完馬來西亞一直念念不忘嘅就係砂煲老鼠粉，其實即係我哋講嘅銀針粉，因為當地人覺得佢似老鼠尾巴而命名。老鼠粉配上雞蛋、銀魚仔、肉碎、菜甫，如果想香啲可以等一等先撈埋一齊，底部就會有少少鍋巴。比起馬來西亞嘅味道差啲，無咁香，但係依家無得去旅行，拎嚟頂頂癮都可以嘅。
.
玻璃魷魚配通菜🦑🥬 HKD48
本來只係想叫個菜Balance下，估唔到有驚喜。玻璃魷魚好爽唔會好難咬，上面仲有少少辣辣哋嘅醬，好有風味。
.
馬拉沙嗲串燒(豬/雞/牛） HKD45/3串
當然仲有唔少得嘅馬來西亞沙嗲串燒，蘇媽蘇媽嘅沙嗲醬有粗粒花生，除咗夠晒香口仲好有咬口，味道唔差過係當地食過的，次次嚟我哋都有叫㗎！
.
椰香咖央多士🥪 HKD26
最後一定要叫個咖央多士嚟食，姐姐會提你要趁熱食呀！熱辣辣、脆卜卜，中間有滿滿嘅椰香咖央醬，又係必食之選！
.
其實深水埗同荃灣分店我哋都食過，除咗以上菜式，有好多我哋都好推薦。另外仲推薦辣死你媽、檳城白咖哩麵🍜、馬來西亞拉茶☕️同椰汁斑蘭冰，大家不妨去試吓馬來西亞菜吧！
.
張貼
