Sedap Malaysian Delights (已結業)

同朋友食馬來西亞菜，腦海想起嘅唔係叻沙就係肉骨茶。但原來喺馬來西亞菜入面，有一樣食物好有特色，就係怡保芽菜。怡保芽菜（$32）呢種芽菜比喺香港食開嘅短，但係更肥身，含水量更多。加上特製醬料，味道辣得黎帶爽甜。海南雞（例牌）（$92）配油飯（$18）海南雞做到皮爽肉滑，配油飯加黑醬油、辣醬及薑蓉，好好撈飯。馬來風光（$58）馬拉盞炒通菜，炒得乾身又入味。怡保咖喱海鮮叻沙（$70）有我最鍾意的摻摻（油麵加米粉），加帶有辣勁同咖喱香的湯底，好惹味。斑蘭薏米水（$30）+ 薏米水（$32）消暑去濕的飲品，必點。