影片
更多
2014-02-05
13186 瀏覽
新年冇咩節目，所以老公一早留意團購睇下有冇邊間食店抵食，呢間食評中中等等，都可以一試，團購價$99再加服務費等雜費49，每位唔駛$150可以新年食到個晚餐，抵啦~ BOOK左年初三晚上5~7:30呢個時段，準時5點去到都冇乜人呀，環境唔算太光有D東南亞情調，由於冇乜人關係所以安排左坐卡位，雖然有2.5小時任食，但怕晏D會多人漏單，所以仍然係爭取時間剔食物，呢間食店係日本加東南亞食物，唔係只食日本菜，所以選擇會多D，食物係咁0既﹕ 送0既刺身﹕有一盆出哂煙(有冰做底)有哂閃燈0既魚生送比每枱，有三文魚、希靈魚、八爪魚、鯛魚、生蝦等等，都算新鮮冇冰味 自己叫0既刺身﹕三文魚、希靈魚、螺片，未食過希靈魚所以試下，感覺有D腥我唔太好 炸物﹕小丸子、炸蠔、大蝦天婦羅，全部都OK唔怕燶或乾身，而且單寫1件都真係黎1件 汁燒食物﹕我見好多食物都有”汁燒”呢兩個字，就算冇寫都係汁燒出黎，汁燒係黑黑啡啡色0既汁，我同老公都麻麻地，但好多食物出黎都係同一隻味道，無論黑椒和牛粒、蒜香炒雜菇、串燒冬菇、串燒雞肶菇、黑椒墨魚鬚等等全部都係果隻汁，所以味道顏色都一樣，最後一轉凡有汁燒0既食物我都寫住走汁燒，果然串
BOOK左年初三晚上5~7:30呢個時段，準時5點去到都冇乜人呀，環境唔算太光有D東南亞情調，由於冇乜人關係所以安排左坐卡位，雖然有2.5小時任食，但怕晏D會多人漏單，所以仍然係爭取時間剔食物，呢間食店係日本加東南亞食物，唔係只食日本菜，所以選擇會多D，食物係咁0既﹕
送0既刺身﹕有一盆出哂煙(有冰做底)有哂閃燈0既魚生送比每枱，有三文魚、希靈魚、八爪魚、鯛魚、生蝦等等，都算新鮮冇冰味
自己叫0既刺身﹕三文魚、希靈魚、螺片，未食過希靈魚所以試下，感覺有D腥我唔太好
炸物﹕小丸子、炸蠔、大蝦天婦羅，全部都OK唔怕燶或乾身，而且單寫1件都真係黎1件
汁燒食物﹕我見好多食物都有”汁燒”呢兩個字，就算冇寫都係汁燒出黎，汁燒係黑黑啡啡色0既汁，我同老公都麻麻地，但好多食物出黎都係同一隻味道，無論黑椒和牛粒、蒜香炒雜菇、串燒冬菇、串燒雞肶菇、黑椒墨魚鬚等等全部都係果隻汁，所以味道顏色都一樣，最後一轉凡有汁燒0既食物我都寫住走汁燒，果然串燒冬菇冇汁，炒雜菇減少左，有改善都抵讚0既(如果可以改其他汁會更好)
小食﹕螺肉及芝麻八爪魚正常味道，要求2份真係會多D(讚)，地獄煮田螺唔夠辣(可以不試)，麻辣海帶絲有麻味但都唔夠辣，可以辣D好味D，陳醋雲耳青瓜幾好味，反而呢碟味濃D及辣D，乳酪綿花糖沙律都OK，少少酸酸乳酸味可以試下味道夠新鮮
飲品﹕泰式飲品個樣好靚，不過我都係叫左咸檸七飲
甜品﹕燒綿花糖好味，未見過出面有所以好SURPRISE，生果撈細細碗咁都食唔出咩味，如果生果可以大粒返D會好D(嘿嘿)，泡芙幾好味，不過仍然係太凍，最後仲送左碟雪花冰比我地
總結今次冇漏過單(可能我地食得早及冇坐滿)，如果下次再有團購都可以再食0既
張貼
