蘇媽.蘇媽馬來西亞茶餐室 (已結業)

一個人做完運動餓餓地決定提早食午餐，避過人潮，茶餐廳是我的首選，今日食得特別啲，試吓馬拉茶記 @ 蘇媽、蘇媽之前食過旺角分店水準都OK，今日試吓銅鑼灣分店入到去首先覺得面積都幾寬敞，枱與枱之間都保持一定嘅距離，圍板夠高，感覺安全秒速上枱「甲必咖哩鷄鎚飯」$68估唔到有兩大隻鷄鎚，還拌上幾件薯仔和白飯，份量十足！鷄鎚有用咖喱煮過，所以鷄皮都索入咖喱汁，雞肉依然嫩口，啖啖肉真心過引，好吃！咖喱第一口入口頗辛辣，食食下返而冇咁辣，煮致軟稔的洋蔥絲散發出絲絲甜味，咖喱汁帶點椰奶香，十分惹味，撈飯一流。白飯面灑上蒜碎，增加小許口感。怡寶白咖啡 套餐價 $20 好似我哋飲開嘅茶走一樣，以煉奶取代花奶和糖水，味道傾向偏甜，咖啡香濃，唔知點解感覺幾麻甩，一定頂到眼瞓。