馬拉媽媽 (已結業)

一間提供馬來西亞食品的小店，服務食物都唔錯。傳統喇沙米：配料有蝦、雞絲、茄子及豆卜。論配料，其實不算特別，但論喇沙湯底及米粉，確係幾好食。喇沙湯底味微辣，香料椰奶味香濃。米粉有咬口，質素令人滿意。除了傳統喇沙，店方亦有特色喇沙提供。兩者分別在於特色喇沙多了大蝦、螄蚶及魚片。個人覺得傳統喇沙較抵食。海南雞飯：海南雞味道肉質都只屬中規中矩之選。香油飯唔油膩，但亦因此略嫌香味有所不足。另外，海南雞可選雞脾、雞胸或「雙拼」，唔錯。肉骨茶：有四件排骨，各件排骨口感唔平均，連骨的排骨肉質較鬆軟好食。至於湯底，味道濃就夠濃，但那份藥材甘香不足，和我所想的肉骨茶差了一點點。介央多士：都幾香口美味。