影片
更多
2023-03-30
201 瀏覽
今日又做孤獨的美食家，去屯門練箭前係雅都food count搵食，今次試下呢間馬拉公公，聽聞質素唔錯就一於試下啦。餐牌價錢荃基本上都貼晒係鋪面，一目了然，主要都係馬來西亞菜式，款式都唔少。雜錦海鮮檳城冬炎湯麵冬炎湯即係冬陰功，餸就揀左雜錦海鮮，麵底要油麵，等左10分鐘左右就有，先講講個湯底都幾濃郁，酸酸辣辣，油麵就煮得岩岩好，唔會過腍，餸菜就唔太多，1粒魚蛋，2塊魷魚，2隻蝦仔同3隻蜆仔，餸菜既味道唔差，不過份量略為少左d，麵底都唔算大碗，另外配料有塊菠蘿，浸過辣湯既菠蘿食落別有一番風味。桔仔話梅水飲品跟餐半價，揀左桔仔話梅水試上，飲落咸咸地，口感有d厚，消下滯。整體黎講食物質素幾好，款式都多但份量略爭d，價錢唔算貴，食馬拉風味都係一個幾好既選擇，下次可以試下其他野
餐牌價錢荃基本上都貼晒係鋪面，一目了然，主要都係馬來西亞菜式，款式都唔少。
雜錦海鮮檳城冬炎湯麵
冬炎湯即係冬陰功，餸就揀左雜錦海鮮，麵底要油麵，等左10分鐘左右就有，先講講個湯底都幾濃郁，酸酸辣辣，油麵就煮得岩岩好，唔會過腍，餸菜就唔太多，1粒魚蛋，2塊魷魚，2隻蝦仔同3隻蜆仔，餸菜既味道唔差，不過份量略為少左d，麵底都唔算大碗，另外配料有塊菠蘿，浸過辣湯既菠蘿食落別有一番風味。
雜錦海鮮檳城冬炎湯麵
$52
26 瀏覽
0 讚好
0 留言
桔仔話梅水
飲品跟餐半價，揀左桔仔話梅水試上，飲落咸咸地，口感有d厚，消下滯。
桔仔話梅水
10 瀏覽
0 讚好
0 留言
整體黎講食物質素幾好，款式都多但份量略爭d，價錢唔算貴，食馬拉風味都係一個幾好既選擇，下次可以試下其他野
張貼
