土司工坊 (荷里活廣場) (已結業)

喺疫情之下，好多餐廳都做緊各式各樣嘅優惠，而呢間都唔例外。今次我就嚟到位於荷里活廣場嘅吐司工房食下午茶。1. 芝士豬扒炒公仔麵個賣相都幾好，公仔麵又有豉油味，個麵底以下午茶來講，份量都合適，芝士汁份量又適中。但我認為豬扒嘅炸粉略為厚咗啲。2. 熱奶茶我覺得熱奶茶係值得推介嘅，同出面嘅茶餐廳有少少分別。茶味好突出，飲落去係滑口嘅。3. 炸魚蛋魚蛋彈牙有咬口，又唔會熱氣。其實特色同質素又唔算彪炳，係嘢食來得都好快，係快餐之選。但當日見咗好耐都冇乜人去執枱，所以如果隨便搵個地方落街食嘢嘅話，都不過不失。