Tonno Bar & Club (已結業)

午餐與小迷兵吹完頭輪水，飲完頭輪啤，兩個大男人都大感意猶未盡，放咗工就再相約喺公司附近飲多輪歡樂時光。因記得XO仔深受大肥爸爸影響，啤酒中最愛飲藍妹，小迷兵就帶咗細佬去「Tonno Bar & Club」，一嚐藍妹o既生啤！酒吧同時播著時尚o既音樂及體育節目，聲浪都唔弱。店內環境暗黑，拍照不易，不過店員反應都算快，我地杯酒差唔多飲完已懂得上前問及是否要追加，眼利又細心。藍妹生啤（$78）：小肥對啤酒冇乜研究，只係覺得藍妹o既生啤質感係就係清爽啲，不過飲落就比樽裝藍妹淡味得多，酒精濃度亦較弱，唔講真係唔覺自己飲緊藍妹囉，講真都有啲幾失望。