味火鍋 (華僑商業中心)

味火鍋，一間相當有特色的火鍋放題，最特別的當然是晚市無限時火鍋放題，最長可以食足7個鐘，真係一定要提前訂位，無訂位真係唔知等幾耐。餐廳頭盤四選一，強烈推介佛跳牆，原盅燉湯超級熱，材料超級豐富，鮑魚乾瑤柱冬菇花膠瘦肉，燉湯極度鮮甜，入口極滿足。半隻芝士焗龍蝦，龍蝦肉新鮮彈牙，芝士味道濃。湯底選擇多，台式麻辣鴨血湯，辣度可自選，鴨血豆腐入口感覺正宗，不會太辣。雜錦海鮮盤，材料相當豐富，手打墨魚丸蝦丸，超級彈牙新鮮好食。