馬拉媽媽 (已結業)

今日同同事們一齊叫呢間外賣。呢間野叫我地11點落單，由10:30am 打到最後11:30 am 先肯落....好有佢既堅持。我地 order 都幾多，成5百幾蚊，同佢傾掂 waive 左 taxi 車費同佢加送一個加也 toast。佢都好準時送到，話幾多點就幾多點會打黎。同事話呢間野既 Laksa 食到 lam lam (月利)。但我叫左肉骨茶 加埋加也 toast。加也 toast，個飽淋既，hmm，不過甜甜地都 ok。個肉骨茶好有驚喜，有成5、6舊 ribs....我都無 expect 咁多...仲要有肉唔係齋骨喎。個飯有 d deep fried onions slices on top，吊下味。個湯勁濃勁好味，用佢送完飯再慢慢飲晒佢。雖然帶點辣，但係食到好爽，回味無窮。外賣係難左 d 點辣豉油，唯有倒落 d ribs 到。另外一個同事話 Laksa 好好味，同埋佢地湯同麵分開上係幾好。男仔可能會覺得個麵既份量唔係好夠既。