影片
更多
2021-08-15
50 瀏覽
今日同老公去荃灣行街，行過呢間餐廳，覺得佢好有馬拉feel，不如就坐低食個晚飯先。裡面都唔細，晚飯時間都開始多人，感覺乾淨，坐得舒服。打開餐牌，見到有個檳城尋味二人餐勁多嘢食，價錢合理，所以就揀左佢。主食我就叫左咖哩叻沙湯底配豐盛海鮮油麵，雖然話係輕量，但嚟到就見到佢大堆頭。裡面有三隻大蝦、兩塊魚餅、兩個青口，仲有豆卜魷魚，配料好豐富，剩食佢都飽。呢個湯底重咖喱味，淡淡甜椰香，可能我食得辣，唔覺有辣味。配料味道正常，帶鮮味，整體不錯。老公就叫左馬來咖喱飯配雞肉，佢話咖喱味香，甜甜地，辣辣地，雞肉多大大舊幾好食。個底仲有好多薯仔，薯仔軟硬適中，配咖喱就最好食。小食有馬拉雞拼盤，馬來沙爹雞髀肉串上面鋪滿沙爹醬，椰子味濃，雞肉軟熟，入口仲有粒粒花生。馬來香炸雞翼炸得脆，好入味。其中一款小食係沙嗲醬雜錦魷魚秋葵樂樂，除咗魷魚同秋葵，裏面仲有芽菜。 三款食物都爽口，沙爹醬同樣椰子味濃，全部撈埋一齊食好好食。另一款小食係脆香魚皮，魚皮夠大碟，咬落香脆，將佢浸埋落咖哩叻沙湯底度一齊食，一流。飲品我就叫左杯凍冰糖檸檬薏米水，味道唔太甜，淡淡地，幾好。老公就叫左杯凍美祿，雖然叫左少甜少冰少奶，但美祿味都
裡面都唔細，晚飯時間都開始多人，感覺乾淨，坐得舒服。
打開餐牌，見到有個檳城尋味二人餐勁多嘢食，價錢合理，所以就揀左佢。
主食我就叫左咖哩叻沙湯底配豐盛海鮮油麵，雖然話係輕量，但嚟到就見到佢大堆頭。裡面有三隻大蝦、兩塊魚餅、兩個青口，仲有豆卜魷魚，配料好豐富，剩食佢都飽。呢個湯底重咖喱味，淡淡甜椰香，可能我食得辣，唔覺有辣味。配料味道正常，帶鮮味，整體不錯。
老公就叫左馬來咖喱飯配雞肉，佢話咖喱味香，甜甜地，辣辣地，雞肉多大大舊幾好食。個底仲有好多薯仔，薯仔軟硬適中，配咖喱就最好食。
小食有馬拉雞拼盤，馬來沙爹雞髀肉串上面鋪滿沙爹醬，椰子味濃，雞肉軟熟，入口仲有粒粒花生。馬來香炸雞翼炸得脆，好入味。
其中一款小食係沙嗲醬雜錦魷魚秋葵樂樂，除咗魷魚同秋葵，裏面仲有芽菜。 三款食物都爽口，沙爹醬同樣椰子味濃，全部撈埋一齊食好好食。
另一款小食係脆香魚皮，魚皮夠大碟，咬落香脆，將佢浸埋落咖哩叻沙湯底度一齊食，一流。
飲品我就叫左杯凍冰糖檸檬薏米水，味道唔太甜，淡淡地，幾好。老公就叫左杯凍美祿，雖然叫左少甜少冰少奶，但美祿味都正常，唔會太淡。
張貼
