南山冰室 (已結業)

呢日約咗個客未夠鐘，響銅鑼灣行下行下又落雨，雖然未肚餓，但為咗避雨，就自己入左黎呢度食個lunch先。呢度門面都幾新潮，好有高級茶餐廳感覺， 睇到menu先知道原來係食馬拉嘢，但食落先知原來係馬拉crossover香港口味。招牌海鮮喇沙：其實係摻摻，麵底係油麵加米粉，海鮮好多好新鮮，又大隻，但menu見到有帆立貝，我碗無🥺。我預期嘅喇沙係有半隻蛋，又無呀🙈。不過佢除左有芽菜，仲加左通菜，好港式粉麵嘅感覺，健康啲囉😂。值得一提，佢個湯底無乜椰漿味，唔鍾意呢種味嘅就岩食喇。馬來咖啡：咖啡味道好淡，真係好似響馬來西亞當地飲到嘅咖啡口味，亦都似平時買到嘅馬拉咖啡袋嘅口味。估唔到茶餐廳有乳鴿，下次過開黎又有時間的話要試下。