米九十

營業中

休息中

今日放假，走咗入馬灣行下。 去到馬灣人人都識在馬灣海邊廣場望住青馬大橋食餐飯。我哋就搵咗喺馬灣村裏面一間日式小店， 貪佢冇咁多人。 點知一點半去到，依然全場滿座，要等20分鐘位。 點了一個和牛壽喜燒，壽喜燒個前菜係青瓜。青瓜切得薄薄的，很好食。飯團外層係煎燶咗嘅飯焦，裏面係普通白米，所以造成外面脆，裏面軟嘅口感。壽喜燒用咗和牛肥牛片，坦白說只是普通貨色，不過只係$140，夫復何求？ 另外點了一個輕食，香橙朱古力碎片鬆餅。鬆餅配兩個醬，一個士多啤梨醬，另一個係cream。鬆餅本身焗得鬆脆，香橙味突出，然後配朱古力碎，有口感。 但因為香橙味太出，配cream味道不太特別。 如果配士多啤梨醬，味道變得不太集中，味道冇咁單純， 喜歡與否，真係因人而異。