影片
更多
2023-08-06
406 瀏覽
🌉放假去馬灣東灣泳灘既時候 可以經過呢間超級用心既小店🫶🏻😍 大概行7-8分鐘就到 超級近 一定唔會後悔！餐廳主打法式/義大利菜 但同時間又有少少fusion 有賣台灣牛肉麵 或者中式飯類 食物種類繁多😌餐廳唔係好大 我諗應該係主要做馬灣居民生意 但我身為一個區外人 我覺得好食到我會再黎試😚最respect既係 餐廳係得一位員工自己做 由落單、煮野、埋單全部都係佢一腳踢 真係好辛苦💧即使我哋要等下 我都完全理解 同埋欣賞佢開餐廳既熱誠🌞 而且餐廳仲有chef special 唔肯定係咪久唔久會變下對比大部分cafe 呢間真係價錢超級合理之餘 食材高質 製作過程非常認真🤞🏻手絲豬肉比高🥯($85) 先講個包 係用左seseme poppy seed bagel👀 包係焗到脆卜卜 但裡面依然保持煙韌夾係包裡面既慢煮pulled pork絕對唔會太乾 肉有足夠既油脂 非常嫩 BBQ醬配埋焦糖菠蘿🍍鹹甜交雜幾夾 唯獨一樣野係菠蘿上面既焦糖味唔係好出 可能要少耐少少夾埋生菜🥬同番茄令到個包更加fresh🥹(+$22) 加炒蛋🍳見到三文治可以加隻蛋 我哋就加左炒蛋🍳🤎留意返佢哋係另上唔係加埋係個包
放假去馬灣東灣泳灘既時候 可以經過呢間超級用心既小店🫶🏻😍 大概行7-8分鐘就到 超級近 一定唔會後悔！
餐廳主打法式/義大利菜 但同時間又有少少fusion 有賣台灣牛肉麵 或者中式飯類 食物種類繁多😌
餐廳唔係好大 我諗應該係主要做馬灣居民生意 但我身為一個區外人 我覺得好食到我會再黎試😚
最respect既係 餐廳係得一位員工自己做 由落單、煮野、埋單全部都係佢一腳踢 真係好辛苦💧
即使我哋要等下 我都完全理解 同埋欣賞佢開餐廳既熱誠🌞 而且餐廳仲有chef special 唔肯定係咪久唔久會變下
對比大部分cafe 呢間真係價錢超級合理之餘 食材高質 製作過程非常認真🤞🏻
手絲豬肉比高🥯($85)
先講個包 係用左seseme poppy seed bagel👀
包係焗到脆卜卜 但裡面依然保持煙韌
夾係包裡面既慢煮pulled pork絕對唔會太乾 肉有足夠既油脂 非常嫩
BBQ醬配埋焦糖菠蘿🍍鹹甜交雜幾夾 唯獨一樣野係菠蘿上面既焦糖味唔係好出 可能要少耐少少
夾埋生菜🥬同番茄令到個包更加fresh🥹
(+$22) 加炒蛋🍳
見到三文治可以加隻蛋 我哋就加左炒蛋🍳🤎
留意返佢哋係另上唔係加埋係個包裡面
就連炒蛋都做得好出色 首先蛋唔會過熟 超級creamy同埋soft 食落去唔會太乾 同埋蛋味都好出 絕對唔需要額外加鹽
香草牛油煎美國帶子拌青醬扁意粉🌿($148)
首先意粉份量都幾多 對比出面其他cafe 餐廳絕對唔吝嗇任何食材😚 意粉唔會過熟 煮到aldante 夠彈牙又有咬口🤙🏼
帶子份量都係多 仲要係高質 大大舊同埋夠厚👀 帶子牛油味🧈好香 面頭煎得夠均勻 食到中間唔會過熟🩷
青檸及砂糖法式煎餅🥞($45)
Crepe聞落去好香牛油味😍 睇落去煎得夠薄 食落去都好出色 crepe裡面有青檸汁同埋白砂糖中和翻個酸味🍋
隔離廚師仲放左少少cream cheese frosting 主要材料係cream cheese同埋糖 cream cheese個奶香味 同個crepe一齊食 令到味道更加豐富🧁
☝🏻留意返鋪頭係星期四放假～
味道：🤎🤎🤎🤎.75/5
📍 味．覺．遊記 (馬灣)
地址：馬灣馬灣田寮新村13號
手絲豬肉比高🥯
$85
45 瀏覽
0 讚好
0 留言
香草牛油煎美國帶子拌青醬扁意粉🌿
$145
29 瀏覽
0 讚好
0 留言
青檸及砂糖法式煎餅🥞
$45
16 瀏覽
1 讚好
0 留言
張貼
