方太糕品舖 (已搬遷) 新店位置

慕名而來陪朋友下午排咗大約1個鐘頭，買咗3大盒糕點各自拎返屋企。　女店員好好人，笑住再三叮囑我哋建議糕點即日食用，因為擺入雪櫃會冇咁好食。雖然好忙，但店員都肯幫我哋將糕點分好入盒。見到前面有比較麻煩嘅客人挑三揀四，店員都肯笑容耐心應付，希望佢哋一家人可以繼續努力。　最開心緊係仔仔，細路仔最鍾意嘅係砵仔糕，睇嚟除咗懷舊都真係好受小朋友歡迎，店員講嘅笑話都好受仔仔歡迎。最難得嘅係，呢度嘅椰汁白色砵仔糕真係獨家味道，好搶手。　我最鍾意嘅係馬蹄糕，鍾意買返屋企再煎熱來食，太太話我多此一舉，但我真係食到不平凡嘅感覺，會帶出更多香味。我諗呢個就係店家用心以新鮮馬蹄即鈚即做嘅成果，值得一讚。　雖然每次都排咗好耐，但都非常值得，會食到兒時味道，呢份人情味唔係現今加工食品調味可以比得上，冇防腐劑味精色素油鹽，少糖健康嘅美食，只此一家。　會繼續幫襯，有朋友都想我幫佢哋順手買來一試，我下次會每款都買些給佢哋，味道係要自己感受出來，唔係聽人講就算。