影片
更多
2021-12-17
48 瀏覽
難得入到美食沙漠，竟然見到一間幾有格調嘅餐廳，裏面裝潢以木質調為主，觀感簡單利落，光亮大方，透明度好高，會見到廚師即席處理料理，好似Omakase咁，感覺幾高質～食日本菜必食當然係壽司啦！打頭陣見到餐牌上料理長推薦居然有極罕嘅本鮪腦天壽司（$68），忍唔住即刻叫咗份。聽聞呢款係吞拿魚頭嘅肉，每條吞拿魚只得兩片，今次廚師用炙燒方式處理，火力燒得恰到好處，外面炙香，內裏咬落油脂滿溢，有種入口即融嘅感覺，味道比中吞更濃郁，值得一試👍🏻另外，叫咗份特上壽司盛合8件（$238），包括兩款軍艦，分別係蔥吞拿魚腩同北海道三文魚子；手握壽司則有三文魚、油甘魚、帆立貝、珍寶虎蝦、赤身（因為冇晒海膽😢）、同埋中拖羅。每件壽司嘅刺身份量唔少仲幾厚身，是次特別推薦帶子同油甘魚，前者有口感仲非常鮮甜，後者肥美，魚脂香氣四溢，不斷喺口腔裏面迴盪👍🏻友人見今晚天氣涼涼地，心血來潮想來個豚肉鍋，見餐牌上賣相不錯，就叫咗一份。上枱後見豚肉配料份量確實毫不吝嗇，鍋中亦有不同蔬菜，例如冬菇、豆腐、京蔥等，另外仲有一份蒟蒻麵，同埋昆布汁。整體感覺好健康養身，唔會太濃味，清清地，多肉少菜又低卡，特別適合健身人士～食到最後覺得仲
難得入到美食沙漠，竟然見到一間幾有格調嘅餐廳，裏面裝潢以木質調為主，觀感簡單利落，光亮大方，透明度好高，會見到廚師即席處理料理，好似Omakase咁，感覺幾高質～
食日本菜必食當然係壽司啦！打頭陣見到餐牌上料理長推薦居然有極罕嘅本鮪腦天壽司（$68），忍唔住即刻叫咗份。聽聞呢款係吞拿魚頭嘅肉，每條吞拿魚只得兩片，今次廚師用炙燒方式處理，火力燒得恰到好處，外面炙香，內裏咬落油脂滿溢，有種入口即融嘅感覺，味道比中吞更濃郁，值得一試👍🏻
另外，叫咗份特上壽司盛合8件（$238），包括兩款軍艦，分別係蔥吞拿魚腩同北海道三文魚子；手握壽司則有三文魚、油甘魚、帆立貝、珍寶虎蝦、赤身（因為冇晒海膽😢）、同埋中拖羅。每件壽司嘅刺身份量唔少仲幾厚身，是次特別推薦帶子同油甘魚，前者有口感仲非常鮮甜，後者肥美，魚脂香氣四溢，不斷喺口腔裏面迴盪👍🏻
友人見今晚天氣涼涼地，心血來潮想來個豚肉鍋，見餐牌上賣相不錯，就叫咗一份。上枱後見豚肉配料份量確實毫不吝嗇，鍋中亦有不同蔬菜，例如冬菇、豆腐、京蔥等，另外仲有一份蒟蒻麵，同埋昆布汁。整體感覺好健康養身，唔會太濃味，清清地，多肉少菜又低卡，特別適合健身人士～
食到最後覺得仲係爭咁啲，望一望串燒餐牌，見到一款豚肉年糕卷，好似幾正咁就叫埋～一上枱香氣撲鼻，原來一份有兩串都幾抵食。食入口十分香濃，本來以為年糕部份會比較淡味，但廚師用醬油塗抹均勻，出奇地濃郁惹味，配搭埋豚肉，效果好出色，推薦👍🏻
整個用餐過程侍應會不斷幫你加茶，加上環境寧靜舒適，假如大家入開馬鞍山都可以試下🤣終於唔再係美食沙漠了～
張貼
