三哥廚房擔擔麵菜飯專門店

營業中

休息中

馬鞍山一向都被稱為美食沙漠，但其實近一兩年間都開咗好多新店，而哩間三哥就開得算比較耐，自我有印象以嚟都起碼開咗兩三年（應該係），而三哥我食過都不下三四次，通常食得第二三次間舖頭都有番咁上下嘅。今次叫咗份炸豬扒菜飯加鎮江汁，雖則豬扒唔係好大塊，但肉質同味道都啱啱好，肉有咬口，外皮夠脆。而菜飯就一向都用開珍珠米，本人喜愛珍珠米多過泰國米多多聲，菜又夠多，$48都算係咁啦！之後仲叫多咗份紅油抄手，望落似無害，一食落去又麻又辣，麻得嚟好爽，辣味好快就散，唔會辣到食唔到食物本身嘅味道，一碟有六粒（好似係），臨尾整多碗酸辣湯，夠晒味，料又夠多！哩間三哥整體我覺得係大件夾抵食，住喺馬鞍山未試過嘅朋友不妨去下，不過太遲去有機會要等好耐位，因為舖頭唔大，同埋都真係好多人食。