花華 (已結業)

有「食物沙漠」之稱嘅馬鞍山處處都係連鎖餐廳，花華就被形容為沙漠入邊嘅小綠洲🏝️ 花華位於馬鞍山市中心，地理位置方便，舖頭細細，得幾張枱。木系樸素嘅裝修同花咗心思嘅擺設，令食客有種慢活、舒適嘅感覺😌由於食物即叫即煮嘅關係，食物製作需時，不妨放慢腳步靜心等待⌛️開房式廚房可以睇到廚師不慌不忙地準備食材到烹調食物，聞到食物嘅香味，的確幾治癒，期待住食物送到枱面☺️至於食物素質都可以， 幾欣賞手工製嘅食物，略嫌味道偏淡。蒜香白酒沙白意粉香氣十足，手工意粉夠al dente，蜆肉冇沙之餘，煮到剛剛好唔會縮水或得返個殼。反而印度香料烤雞有驚喜，雞肉肉質幾嫩，唔會乾柴，用paprika等香料醃過嘅雞肉的確幾入味🍗當日平日中午時段walk in，幸好有位坐，下次到訪都係訂好枱先，會想試埋佢嘅飲品同糕點😋蒜香白酒沙白手工意粉 $148印度香料烤雞醃青瓜配蕃茄莎莎自家麵包$148