Casa Cafe & Bistro

營業中

休息中

馬鞍山海邊，藏著一間cafe小店餐廳。最近去咗試吓佢哋嘅全日早餐同埋幾款小食，感覺幾舒服。首先講吓個 Casa 全日早餐，有意式香草腸、炒雜菇、煙三文魚、脆薯餅香脆，啱晒我呢啲鍾意食薯餅嘅人；烤蕃茄酸酸甜甜🍅，幾開胃；酸種麵包口感紮實；牛乳炒蛋滑溜，唔會太老；仲有焗豆、沙律🥗跟住試咗香烤蜜糖雞中翼，一份五件，蜜糖味香濃，雞翼烤得啱啱好，外皮脆卜卜，肉質嫩滑。另外白酒忌廉汁煮藍青口份量都唔少。最後叫咗兩杯特飲，藍色海洋同夢幻甜心。藍色海洋用咗百香果、蜜柑同波波寒天，酸酸甜甜，幾清新；夢幻甜心就係白桃、玫瑰同波波寒天，味道比較優雅，玫瑰味幾突出。兩杯飲品都幾好飲，啱晒夏天飲。