甜館

營業中

休息中

食完晚飯都仲係8點幾，就去左食甜品。去到所謂飲食沙漠既馬鞍山，甜品點選擇都唔算好多，見到咁早已經有一堆人喺門口等外賣既甜館，就決定入去食下。今晚有小小涼所以叫左2個熱既甜品，北海道牛乳燉蛋白同南北杏木瓜雪耳。燉蛋白都幾滑身，食得出用左日本既3.6牛奶，甜度同份量都適中，唔錯唔錯。至於木瓜雪耳都好足料，有4,5舊木瓜，滿滿既雪耳同好多南北杏，糖水方面覺得可以減翻少少甜，如果大碗多少少仲好！堂食最好9點前到，因為一夜左就開始越來越多人，因為店面唔係好大，如果唔想等位就快d去喇！