悄悄食堂

營業中

休息中

第一次Openrice寫食評。舖頭聲稱晚市係做居酒屋，但係連最基本逐步上菜都做唔到，以下會一個一個dish寫。酒：無特別評價，始終選擇比較少而且只係入貨，無特別野好批評。魚湯：平淡勉強及格。魚鮮味稍為不足，酒味過重導致失衡。名古屋雞翼：調味太多花款導致食材無左本身味道。炸雞：其中一樣做得比較好，雞肉嫩滑但又唔會太油，火候啱啱好可以鎖住肉汁，推薦。土佐豆腐：全晚最差，基本外脆內軟都做唔到，而且面頭醬料極甜而且唔好味，就咁上一舊無烹飪過嘅豆腐都會比較好。粟米：材料本身唔係太夠新鮮，其他都係接受範圍內，可以考慮加多少少牛油。牛舌：另外一樣做得幾好，肉身肥而不膩，值得一試。