上海真真豆漿大王 (已結業)

去開紅磡, 都會心思思想去蕪湖街食上海真真豆漿大王。心動不如行動，即去！今次黎裝修左, 舊上海舖的感覺不再，換嚟一翻新鮮感覺，比以前企理得多了...例牌我都係會食出名好食嘅咸豆漿再加個炸餃子🥟必食咸豆漿裡有少量油炸鬼, 蝦乾，蔥, 辣油同鹹菜粒,食落口好有層次，非常惹味! 聽到好多人話比裝修前差咗，我又無呢種感覺喎。香脆炸餃子, 餃子餡料十足, 再配埋甜酸醬, 兩樣都好開胃~ 冬天食真係冇得彈!!繼續支持屹立多年的傳統小店！