永順食店 (已結業)

成日聽人講永順沙嗲牛肉麵好出名，亦係全港數一數二好味既沙嗲湯底。終於有機會經過元朗，亦好好彩過左中午迫滿時段，只需要等2張枱就可以入座喇。餐廳環境較細、圓枱之間比較窄，但我座近門口位置，所以都ok,，員工工作亦好急速。嚟到永順，咁梗係要叫佢哋嘅沙嗲牛肉，可配多款不同的麵款；$28: 米線，米粉，通粉，福麵 $ 30出前一丁 $32 蟹王麵。本人未試過蟹王麵所以揀左最貴這款。再加雞翼，$15只得2隻，雖然唔夠喉，但雞翼炸得唔錯，可以保留肉汁。後感，味道真係同平時茶餐廳常餐既沙嗲牛麵不一樣。沙嗲香味濃郁，帶有花生醬味道，而牛肉亦煮得恰到好處，不會有鬆肉粉味。牛肉份量充足。下次有機會都會再黎。