影片
更多
2019-10-08
180 瀏覽
馳名中外既橋底辣蟹，相信無食過都聽過好多名人，明星，遊客都會特登去試下佢地個避風塘炒蟹菜式款式超多，除左蟹有點貴之外，其他都幾抵食侍應服務態度好好，會主動幫我換碟同加熱茶裝修其實幾靚，不過有啲殘舊，啲櫈都好似幾廿年無換過咁__________________________🔹招牌橋底辣蟹 (細/中/大 $480/$680/$1080)👰🏻:🌕🌕🌕🌕🌑🤵🏻:🌕🌕🌕🌕🌑餐牌寫時價，我希望我無聽錯細嘅兩個都夠食，已經好大隻超級多肉既肉蟹，肉質鮮味肉嫩有五種程度嘅辣度，或者唔辣都得避風塘嘅煮法，啲炸蒜多到埋咗隻蟹，炸蒜微辣同炸得好脆，辣味完全係惹味，唔會搶咗風頭.🔹蒜子火腩鱔煲 $138👰🏻:🌕🌕🌕🌕🌑🤵🏻:🌕🌕🌕🌕🌗CP值超高，平時啲煲墊底會有好多菜或者配料好多鱔片同火腩，仲有少少冬菇同埋炸腐竹尤其是要讚下鱔，肉質結實得來好脆身，口感有少少似我至愛嘅脆鯇腩冬菇好厚肉同幾甜，同埋有少少陳皮味喺菇入邊香返出嚟炸腐竹好入味火腩嘅皮仲保留左少少脆度，少少肥膏岩岩好，係有少少咸左啲🔹惹辣酒煮花螺 $128👰🏻:🌕🌕🌕🌕🌑🤵🏻:🌕🌕🌕🌗🌑見到網上面好多人推介，睇落唔算好多，但真係食極都有不過略嫌辣味同酒
馳名中外既橋底辣蟹，相信無食過都聽過好多名人，明星，遊客都會特登去試下佢地個避風塘炒蟹
菜式款式超多，除左蟹有點貴之外，其他都幾抵食
侍應服務態度好好，會主動幫我換碟同加熱茶
裝修其實幾靚，不過有啲殘舊，啲櫈都好似幾廿年無換過咁
__________________________
🔹招牌橋底辣蟹 (細/中/大 $480/$680/$1080)
👰🏻:🌕🌕🌕🌕🌑
🤵🏻:🌕🌕🌕🌕🌑
餐牌寫時價，我希望我無聽錯
細嘅兩個都夠食，已經好大隻
超級多肉既肉蟹，肉質鮮味肉嫩
有五種程度嘅辣度，或者唔辣都得
避風塘嘅煮法，啲炸蒜多到埋咗隻蟹，炸蒜微辣同炸得好脆，辣味完全係惹味，唔會搶咗風頭
.
🔹蒜子火腩鱔煲 $138
👰🏻:🌕🌕🌕🌕🌑
🤵🏻:🌕🌕🌕🌕🌗
CP值超高，平時啲煲墊底會有好多菜或者配料
好多鱔片同火腩，仲有少少冬菇同埋炸腐竹
尤其是要讚下鱔，肉質結實得來好脆身，口感有少少似我至愛嘅脆鯇腩
冬菇好厚肉同幾甜，同埋有少少陳皮味喺菇入邊香返出嚟
炸腐竹好入味
火腩嘅皮仲保留左少少脆度，少少肥膏岩岩好，係有少少咸左啲
🔹惹辣酒煮花螺 $128
👰🏻:🌕🌕🌕🌕🌑
🤵🏻:🌕🌕🌕🌗🌑
見到網上面好多人推介，睇落唔算好多，但真係食極都有
不過略嫌辣味同酒味都唔夠重
.
🔹清炒西蘭花 $58
👰🏻:🌕🌕🌕🌕🌑
🤵🏻:🌕🌕🌕🌕🌑
分量多夠脆，唔算係清炒但係唔係特別多調味
張貼
